കുഞ്ഞുനാളിൽ വരച്ചുകളിച്ചു
മലകൾ, മേഘങ്ങൾ, പറക്കുന്നപക്ഷി,
ഒറ്റത്തെങ്ങ്, വാടിവീഴുന്ന തെങ്ങോല,
തോട്, തോണിക്കാരൻ, കൈവരി
ഉദിച്ചുയരുന്ന സൂര്യൻ്റെചെങ്കതിർ,
നീന്തുന്നഅരയന്നം
കുഞ്ഞുവീടിൻ്റെ കിളിവാതിലിലൂടെ -
ഞാൻകണ്ടു
ഇലയിൽവീണ മഞ്ഞിൻ്റെഒറ്റത്തുള്ളി
എന്താകുമത്....?!
വെയിൽകുടിച്ച് ആവിയാക്കി
ആകാശത്തേക്കയക്കുമോ?
കുറുമ്പൻകാറ്റുവന്ന് താഴേക്ക്
തള്ളിയിടുമോ?
ഇലകൈയിനാൽ ഇറുകെപിടിച്ച്
പുണർന്നുനിൽക്കുമോ ?
വരച്ചവീടിൻ്റെ ഓർമ്മയുടെമുറ്റത്ത്
ഞാൻനിൽക്കുന്നു
വീടില്ലാത്തവൻ്റെ വീട്ടുവിചാരത്തിൽ
ഇലയോടെപിഴുതുവീണ മഞ്ഞുതുള്ളി
നെഞ്ചിൽകിടന്ന് ഉരുകിയൊലിക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ