നിർത്താതെയുള്ള കരച്ചിൽ നിങ്ങൾ
കേൾക്കുന്നുണ്ടോ
തോക്കിൻ മുനയുടെ മൂർച്ചയിൽ പിടയു
ന്നതറിയുന്നുണ്ടോ
അച്ഛൻ്റെ മുന്നിൽവച്ച് മകളുടെ,
ഭർത്താവിൻ്റെ മുന്നിൽ വച്ച് ഭാര്യയുടെ -
ഉടലിലേക്ക്
ചില തെമ്മാടികൾ പാഞ്ഞുകയറുന്നത്
കാണുന്നുണ്ടോ
ഒരു രാത്രിയിരുണ്ടു വെളുക്കുമ്പോഴേക്കും
മുഖമില്ലാത്തായ സ്ത്രീകളുടെ ഒരു രാജ്യം
നിങ്ങൾ കണ്ടിട്ടുണ്ടോ
പഠിച്ചതെല്ലാം അഗ്നിയിൽ അടക്കം ചെയ്യ-
പ്പെടേണ്ടി വരുന്ന ഒരു ജനതയെ
പാട്ടുകളില്ലാത്ത, ഭാവനകളില്ലാത്ത,
തൊഴിലു പോലുമില്ലാത്ത ഒരു ജനതയെ
ഏതു സമയവും അഗ്നിഗോളമായ് പൊട്ടി -
ച്ചിതറിയേക്കാവുന്ന വരെ
വിമാനച്ചിറകിൽനിന്നും ഉതിർന്നുവീഴുന്ന
വരെ
ജനിച്ചു വളർന്ന ഭൂമിയിൽ ഇപ്പോഴും ജീവി-
ച്ചിരിക്കുന്നുവെന്ന്
തീർച്ചപ്പെടുത്താൻ കഴിയാത്തവരെ.
രക്തത്തിൽ നനഞ്ഞു കുതിർന്ന ഒരു -
പതാക നിങ്ങൾ കാണുന്നുണ്ടോ?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ