മഞ്ഞിൻ്റെ ഒരു തൂവൽ
പൊഴിഞ്ഞു വീണു
പക്ഷികളുടെ ഒരു വനം
പറന്നു പൊങ്ങി
ഏകാകിയായ ഒരു പക്ഷി
വിചാരങ്ങളുടെ വിചാരണ
നേരിടുന്നു
സൂര്യൻ
ചന്ദ്രൻ
ആകാശം
ഭൂമി
കടൽ
കാട്
ഏകാന്തതയുടെ ധ്യാനമൂർ-
ച്ഛയിൽ
ജന്മാന്തരസ്മരണകളുടെപരാഗം
മനസ്സിനെ തൊടുന്നു
വേടൻ നോക്കിനിൽക്കെ
ജന്മാന്തരങ്ങൾക്കുമപ്പുറത്തേക്ക്
കിളിയൊന്നു കുതിച്ചു
നിഷാദൻ്റെ അമ്പ്
പടിഞ്ഞാറ് സന്ധ്യയ്ക്ക്
ചുവപ്പു നിറം വരച്ചു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ