മഹാമൗനവും തേടിയവൻ -
വനത്തിലേക്കുനടന്നു
എവിടെയാമൗനം ?!
വനത്തിൽ മൗനമെന്നാരുചൊല്ലി?
മനസ്സെത്രമലീമസം, ചിന്തകൾ -
ചുറ്റുംപറക്കുന്നു
തെന്നിമാറും ചിന്തയിൽ
വനമൊരു പത്തനമായ്മാറുന്നു
മെലിഞ്ഞ ചെട്ടിച്ചികളെപ്പോലെ -
പൂക്കളുമായ് കാത്തുനിൽക്കുന്നു -
കുറ്റിച്ചെടികൾ
ഭിക്ഷതെണ്ടും മെല്ലിച്ചശരീരങ്ങളെ-
പ്പോലെ
തെണ്ടിനടക്കുന്നു ശവംതീനിയുറു-
മ്പുകൾ
അങ്ങാടിയിലെന്നപോലെ അടങ്ങാത്ത
കലപിലശബ്ദങ്ങൾ
ധൃതിപിടിച്ചങ്ങുമിങ്ങും പറക്കുംപക്ഷികൾ.
വനാന്തരമൊരുമധുശാല
മധുനുകർന്നുമദോന്മത്തരായി വിലസുന്നു
ഭൃംഗങ്ങൾ, ചെറുചെറുപക്കികൾ
ചിലപ്പോൾ കാടൊരമ്മ
കരവലയത്തിലൊതുക്കിസംരക്ഷിപ്പവൾ,
ഉൺമതൻ കഥപറഞ്ഞുതരും മുത്തശ്ശി,
ചിത്രകഥയിലെ രാക്ഷസക്കോട്ട ,
കാടൊരുകാമുകി, ബലംപ്രയോഗിച്ചു -
കീഴടക്കാൻകഴിയാത്ത പ്രണയിനി
മൗനമെവിടെ?
മഹാമൗനവും തേടിയലയുന്നുയിന്നു -
മവൻ !
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ