ശേഷിപ്പ്

കാലം 

കുത്തിയൊഴുകിപ്പോയതിൻ

ശേഷിപ്പു ഞാൻ

കയ്ക്കുന്നു കാഴ്ചകൾ

വാതിലിൽ മുട്ടുന്നു വ്യാഘ്രം

മരിച്ച പോലെകിടക്കുക ശീഘ്രം

അരുതാതവേഴ്ചയുടെ വാഴ്ചകൾ

കാലമേ കലക്കിത്തരികയെനിക്കു നീ

കാഞ്ഞിരം

കുന്നുകൾ കുന്നിറങ്ങിപ്പോയ കാലത്ത്

പുഴകൾക്ക് തീപ്പിടിച്ച കാലത്ത്

പൂക്കൾ വേരിൽ മാത്രം പൂക്കുന്ന -

കാലത്ത്

മാലാഖമരിച്ചുവീഴും കാലത്ത്

ചിറകറ്റ വെള്ളരി പ്രാവുകളും

അണിവിരൽ മുറിഞ്ഞ

പെൺ കൈകളും

ചിന്തയുടെ ചിതൽപ്പുറ്റുകളും

കുന്നുകൂടുന്ന കുരിശുകളും മാത്രം

ശേഷിപ്പ്