തൊട്ടു നോക്കാറുണ്ട്
അവളിടയ്ക്കിടെ
കാണാതായ കണ്ണുകളെ.
കൈവിരലുകൾ കണ്ണുകളെന്ന്
സാക്ഷ്യപ്പെടുത്താറുണ്ട്
എങ്കിലും,
ജോലികൾക്കൊന്നും
ഒരു കുറവും വന്നിട്ടില്ല
ഇതേവരെ
കാടിവെള്ളം
കടച്ചിക്കുട്ടിക്ക് കൊണ്ടുക്കൊ -
ടുക്കും
നനക്കല്ലിൽ നനഞ്ഞൊട്ടി -
വിയർക്കും
അടുപ്പിൽ അരിയായ് തിളക്കും
കൂട്ടുകാർ കളിയാക്കാറുണ്ടിന്നും
കണ്ണുകൊണ്ട് കടുകു വറുക്കുന്ന -
വളെന്ന്.
കണ്ണുകൊണ്ടല്ല കാണുന്നതെന്ന്
അവളാണെന്നെ പഠിപ്പിച്ചത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ