ലഹരിയുടെ പക്ഷി
ലഹള കൂട്ടുന്നു
വിഷമം മറക്കാൻ
വിഷം കുടിച്ച കൂട്ടുകാരൻ
പരമാനന്ദത്താൽ
പാറി നടക്കുന്നു
നാളെയവൻ കൂടുതൽ
കുടിക്കും
കാരണം;
കഞ്ഞിക്കുകരയുന്ന
അവൻ്റെ കുഞ്ഞുങ്ങളെ
അവനിന്നുകാണും
തുന്നിക്കൂട്ടിയ
പിഞ്ഞിയ കുപ്പായത്തിൽ -
വീണ കണ്ണീരു നോക്കി
അവൻ കാമത്തിൻ്റെ
കയ്പ്പു രുചിക്കും
സ്നേഹിച്ച പെണ്ണിൻ്റെ
പച്ചയിറച്ചി വിൽക്കും
നീലിച്ച കണ്ണിലെ
നീല രക്തം തിളക്കും
പറക്കമുറ്റാത്ത പ്രാവുകളെ
കടിച്ചുതുപ്പും
ലഹരിയുടെ നീല രക്തം
നുണയുന്നവൻ
വില്ലിൽ നിന്നും വിട്ടയക്കപ്പെട്ട
അമ്പാണ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ