ഏകാന്തത

സ്വപ്നങ്ങളുടെ ആകാശച്ചരിവിലെ
ഒറ്റ നക്ഷത്രത്തിലേക്ക്‌
ഒരു ഗോവണിചാരുന്നു
കാടു പൂത്ത മല മടക്കുകളില്‍
കണ്ണുകള്‍ പാറി കളിക്കുന്നു
പ്രണയത്തിന്റെ സാന്ദ്രമായ -
സംഗീതത്തില്‍
ഹൃദയം പാടുന്നു
മൊസാര്‍ട്ട്,ബാച്ച് ,ബിഥോവാന്‍
ഉണ്ടാവുന്നില്ല ഒട്ടും ശമനം ഏകാന്തതയ്ക്ക് .
വായനയുടെ വാതായനം തുറന്നു ക്ഷണിക്കുന്നു
ന്യൂട്ടുഹാംസന്‍,
കൈ പിടിച്ച്‌ ഉപവിഷ്ട്ടനാക്കുന്നു
ഗുന്ത൪ഗ്രാസ്
ആഴങ്ങളിലേക്ക് ആനയിച്ചു
ആ൪ത്തിയിലേക്ക് അമര്‍ത്തുന്നു
ഡോസ്റ്റൊവുസ്ക്കി
ഉണ്ടാവുന്നില്ല ഒട്ടും ശമനം ഏകാന്തതയ്ക്ക് .
എല്ലാം മറന്നു ഭാരമില്ലായ്മയിലേക്ക് തല ചായ്ക്കാന്‍
ബ്ലാക്ക് ലേബല്‍,ജോണിവാക്കര്‍,ഡോവ് വോഡ്ക്ക
ഉണ്ടാവുന്നില്ല ഒട്ടും....ഒട്ടും ശമനം  ഏകാന്തതയ്ക്ക്
വേണമൊരു തുണ കൂട്ടിനു
പതം പറയാനും,പരിഭവിക്കാനും