കൊതിച്ചു പോകുന്നത്

ചില്ലകളില്‍ കിളിയെന്നതുപോലെ
ചിന്തകളില്‍ ചേക്കേറുന്നു കഴിഞ്ഞ കാലം
ഇല  കൊഴിഞ്ഞ ചില്ലകളില്‍
ചെറു തളിരുകള്‍ പോലെ
മുളച്ചു പൊന്തുന്ന ഓര്‍മ്മകള്‍
പക്ഷികളെന്ന പോലെ ചിറകടിക്കുന്നു
 മനസ്സിന്റെ മൂലയില്‍ നിന്ന്
വെളിമ്പ്രദേശങ്ങളിലേക്ക്
ബധിര കാഴ്ചയായ് തൊട്ടറിയുന്നു എല്ലാം
വേദനിപ്പിക്കുന്ന വികാരങ്ങളും
ചിരിപ്പിക്കുന്ന ചിന്തകളും
മിന്നി മറയുന്നു ചലചിത്രത്തില്‍ എന്നപോലെ
മനസ്സിന്റെ വെളുത്ത ക്യാന്‍വാസില്‍
വര്‍ണ്ണങ്ങളുടെ ഒരു പെരുമഴക്കാലം
അപഹരിക്കപ്പെട്ട യൌവ്വനത്തെ
സ്വയം തിരക്കി നടക്കുകയാണിന്നു  ഞാന്‍
വൃദ്ധ മനസ്സ് തിരിഞ്ഞു നടക്കാന്‍ കൊതിക്കുന്നതും
ബാല്യം  നടന്നു കയറുന്നതും യൌവ്വനത്തിലേക്ക്