malayalam blogwriters

http//www.facebook.com/groups/malayalam blog.writers

2012, ജൂൺ 23, ശനിയാഴ്‌ച

നിര്‍വൃതി

വഴി വക്കിലൊരു കുഞ്ഞു
വെയില്‍ നുണഞ്ഞു കിടക്കുന്നു
അമ്മ ആശയ വിനിമയത്തിന്‍
കേബിള്‍ കുഴി നിര്‍മ്മാണത്തില്‍
തരു ശാഖി വെയ്ലിന്റെ
കൊമ്പില്‍ ചേക്കേറുന്നു
തണലിന്റെ തളിര്‍ തെന്നല്‍
താഴേക്കു വീശുന്നു
താറിട്ട റോഡിന്മേല്‍
വെയില്‍ തീ തിളക്കുന്നു
തളിര്‍ മേനിയിളക്കിയാ
കുഞ്ഞു കരയുന്നു
വിയര്‍ത്ത മനസ്സാലെ
അമ്മ പാഞ്ഞെത്തുന്നു
വരണ്ട മുലക്കണ്ണാചൊടിയില്‍ -
തിരുകുന്നു
വിയര്‍പ്പിന്റെ ഉപ്പിന്‍ പാല്‍
കുഞ്ഞു നുണയുന്നു
അടങ്ങാതാഹ്ലാദത്താല്‍  
കുഞ്ഞുകാലിളക്കുന്നു
കണ്ണുനീര്‍ ചാലാലമ്മ
കുഞ്ഞിനെ മുത്തീടുന്നു
നിര്‍വൃതി യാലേയിരു-
മിഴിയും കൂമ്പീടുന്നു 

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ