വാക്ക്

കവി ഒരു കിണറാണ്
വറ്റാത്ത വാക്കുകളുടെ കിണർ
കോരിയെടുക്കണം
സൂക്ഷിച്ച് വെക്കണം.

വാക്കുകളുടെ വെള്ളം അമൂല്യമാണ്
പാഴാകാതെ നോക്കിയില്ലേൽ
പാഴാകുന്നത് ജീവനാണ്
ജീവജലമാണ് വാക്കിന്റെ വെള്ളം.
അന്നവും, അഭയവും
കുരിശും, തരിശും
അമ്പും, അരിവാളും.

പാളത്തൊട്ടിയിൽ പവിത്രതയോടെ
കോരിയെടുക്കണം.
വാക്കുകളുണ്ടെന്ന് കരുതി
വെറുതേ ഉപയോഗിക്കരുത്
കുപ്പിയിലെടുത്തുവെച്ച ഗംഗാജലം -
പോലെ
അവസാനത്തെ ശ്വാസംവരെ
അമൃത് പോലെ ഉപയോഗിക്കണം.