കണ്ണീർക്കവിത

കവിതയിൽ ഞാനൊരു
കാഞ്ഞിരവും, നാരകവും
വളർത്തുന്നു.
കയ്ക്കുന്ന ജീവിതത്തെ
പിന്നെ, യെങ്ങനെ അടയാള-
പ്പെടുത്തും .

ഒറ്റപ്പെട്ടു പോയ ഒരക്ഷരമാണു -
ഞാൻ
അടുക്കിവെച്ച് വാക്കുകളാക്കി
അഴകും, ആഴവും, അർത്ഥവു-
മേകാൻ കഴിയാതെ
അഴുകിപ്പോയ ജീവിതം.

പെറാതെ പോയ പാoപുസ്തക
ത്തിലെ മയിൽപ്പീലി
കണ്ണീരിന്റെ കടലിടുക്കിൽ കുടുങ്ങി -
പ്പോയ ഓടം.

വെളിച്ചത്തിന്റെ പൊട്ട് തേടുമ്പോൾ
ഇരുട്ട് കൂട്ടു വരുന്നു
കല്ലും, മുള്ളും നിറഞ്ഞ പാത മാത്രം
പ്രത്യക്ഷമാകുന്നു
കണ്ണീരുകൊണ്ടെഴുതിയ
ഒരു കവിതയാണു ഞാൻ.