കാലം കാത്തു വെച്ചത്

അണിവിരൽ ആണിയാക്കുന്നു ഞാൻ
മരണത്തിൽനിന്ന് വഴിമാറ്റുന്നു
ജീവന്റെ രഥചക്രം.

മരവുരി നൽകിയത് അപമാനിക്കാനല്ല
അനായാസം കാനനയാത്രയ്ക്ക്
കാനനത്തിലും രമിക്കണംരാമന്
സീതയുടെ ദുഃഖം ആരറിയാൻ.

നിഷാദനും, കിരാതനും ഒന്നിക്കുന്നു
മനുഷ്യനും, മനുഷ്യനും എന്തുവിത്യാസം
സമതനഷ്ടപ്പെട്ടാൽ നശിക്കുംസംസ്കാരം.

നാട്ടുധാന്യത്താൽ മരണമടഞ്ഞവന്
കാട്ടുധാന്യത്താൻ പിണ്ഡംവെയ്ക്കുക
വാക്കിന്റെഅമ്പേറ്റ് കണ്ണ്പൊട്ടുന്നു
ഓരോഅണുവിലും അമ്ലവീര്യംനിറയ്ക്കുക
ജലമെന്നും ഗർവിഷ്ഠ,യറിയുക.

ഓർമ്മകൾക്ക് ഓളത്തള്ളലുകൾ
ദിവസങ്ങൾ പറന്നുകൊഴിയുന്ന പക്ഷികൾ
കാലം കൽപനയാൽ തുല്യംചാർത്തിയ-
മരണം
ചാരുകേശി രാഗമാലപിക്കും ജീവൻ.