നാലാം ക്ലാസിലെ
നാരായണി ടീച്ചറെ
ചന്തയിൽ വെച്ചു കണ്ടു
ഇന്നും മാറിയിട്ടില്ല
കണക്കു തെറ്റിയതിന്
കൈവെള്ളയിലെ
തല്ലിൻ്റെ പൊള്ളൽ
കണ്ണട തുടച്ചു കൊണ്ട്
കുറെ നേരമെന്നോട്
വർത്തമാനം പറഞ്ഞു നിന്നു
മക്കളെക്കുറിച്ച് ഞാൻ
ചോദിച്ചപ്പോൾ
കണ്ണ് നിറയുന്നതും കണ്ടു
ടീച്ചറേ,
കണക്കുകൂട്ടി ശരിയാവുന്നത്
മാത്രമല്ല
കണക്കു തെറ്റുന്നതുമാണ്
ജീവിതം
അല്ലെ ടീച്ചറെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ