ഇന്നോളമടച്ചിട്ടില്ല വാതിൽ
വാതിലേയില്ലാത്ത വാതിൽ
കുന്നോളം കാര്യങ്ങൾകണ്ട -
പച്ചയായ ജീവിതം പോലെ
മലർന്നു കിടക്കും വീട്.
ഉള്ളി പോലുള്ളത്തിൽ
കള്ളമില്ലാത്ത വീട്
കുര്യനും കണാരനും ഖാദറും
ഒന്നിച്ചുവാണനൽ വീട്
ഇന്ന് ,
വാങ്ങി ഒരു വാതിൽ
അടച്ചുറപ്പുള്ള വാതിൽ
ഇനി തുറക്കില്ലെന്നുറപ്പിച്ച്
അടച്ചുറപ്പിച്ചു ജനാല
കൻമതിൽ കെട്ടിയുയർത്തി -
മുന്നിൽ.
ജാഗരൂകമായ് വീട്
അപരിചിതങ്ങളിലേക്ക്
ഇനി തുറക്കില്ലെന്നു വാതിൽ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ