പനമ്പട്ടവീശിവരുന്നതു കൊണ്ടാകുമോ
പാലക്കാടൻ ഉച്ചക്കാറ്റിന് ഇത്രയും ചൂട്
അതോ, ടിപ്പുവിൻ്റെ പടയോട്ട ചൂടോ!
കണ്ടു ഞാൻ
കോട്ടതൻ ഗാംഭീര്യം
ഗർഭിണിയെപ്പോലെ
നിറ വയറുമായി നിൽക്കുന്ന
മലമ്പുഴ ,
കാനായി കരവിരുതിൻ യക്ഷി ,
അഗ്രഹാര കാഴ്ചകൾ
കൽപ്പാത്തി ക്ഷേത്ര പെരുമ
നെല്ലറയാക്കാൻ പാടുപെട്ട്
എല്ലു വെള്ളമാക്കും കർഷകർ
ചെതലിമലയുടെ മിനാരം
മിത്തുകളെ മുത്തമിട്ടു പറക്കും
ചൂടൻ കാറ്റ്
ഓർമ്മകൾ പനമ്പട്ടയായി വീശുന്നു
ചിന്താസരണിയിൽ കഥകൾ കൈമാടി
വിളിക്കുന്നു
കരിമ്പനകൾ കാലത്തെ വിളക്കിചേർക്കുന്നു
വയൽവരമ്പിലൂടെ മൈമൂനയോ, രവിയോ
ആരാണ് നടന്നു പോകുന്നത്?!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ