അവൻ പുസ്തകങ്ങൾ വായിച്ചു -
കൂട്ടുകയാണ്
അവൾ അനുഭവിച്ചും.!
ഉപ്പ്, ഉള്ളി, മുളക്, കടുക്
അടുക്കള അണിയലമണിഞ്ഞ്
അരങ്ങത്തേക്കിറങ്ങുകയാണ്
അടുക്കള ഒരു രാജ്യമാണ്
ജാതിമതമില്ലാത്തത്
'ജാതി ചോദിക്കുന്നില്ല ഞാൻ സോദരി'
എന്ന ആപ്തവാക്യം പിറക്കുമിടം.
നിറവയറുമേന്തി അവൾ നിലത്തിരുന്ന്
ഉള്ളി അരിയുന്നു
ഉള്ളി സ്നേഹമാണ്
ഉരിയുന്തോറും എരുവേറി വരുന്നത്
ഉപ്പ് ഒപ്പിയെടുക്കുന്നു ഓരോതരിയിലും
ആത്മസംതൃപ്തിയുടെ അകം പൊരുൾ
കടുക് വിപ്ലവ കവിതയാണ്
മുഷ്ടി ചുരുട്ടി പൊട്ടിതെറിക്കും നാലുപാടും
മുളക് നീറ്റലിലും സാന്ത്വനത്തിൻ്റെ
സ്നേഹ മസൃണമായ് നിറഞ്ഞു നിൽക്കുന്നു
അടുക്കള ഒരു പുസ്തകമാണ്
അവളെ വായിക്കുന്ന പുസ്തകം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ