സത്യം

കാഴ്ചയുടെ തിരയടങ്ങി

കാറ്റുപിടിച്ച മനസ്സൊടുങ്ങി

ക്രോധംകൊണ്ടിനി അടക്കി -

ഭരിക്കാനോ

സ്നേഹം കൊണ്ടിനി മടക്കി -

വിളിക്കാനോ കഴിയില്ല

കഴിയില്ല നിദ്രയുടെ കടപുഴ-

ക്കാൻ

കവിതയുടെ കുളിരു കോരാൻ

കാത്തു നിന്ന് കാലുകഴക്കേണ്ടതില്ല

കണ്ണീരു തുടയ്ക്കേണ്ടതില്ല

പുകഞ്ഞു നീറേണ്ടതില്ല

പതഞ്ഞു തൂവേണ്ടതില്ല

പകച്ചു നിൽക്കേണ്ടതില്ല

പിടിച്ചു നിൽക്കേണ്ടതില്ല

സത്യം ഒന്നു മാത്രമേയുള്ളു

വിശ്വസിക്കാൻ പറ്റുന്നത്

രണ്ടു മനസ്സിൻ്റെ ആവശ്യമേയില്ല

മരണം നിത്യസത്യം