കൂട്ട്കൂടി പാട്ട്പാടി കൂട്ടരേപഠിക്ക നാം
കുരുത്ത കുഞ്ഞു മോഹമെല്ലാം
കരുതലോടെ കാക്ക നാം
പഠിച്ചു നല്ലവരായി നാം
ജയിച്ചു മുന്നേറീടുക
പൂര്‍വ്വികര്‍ തെളിച്ച പാത
പതറിടാതെ പൂകുക
പുതു വസന്ത മായി പൂത്തു -
ലഞ്ഞിടേണ്ട പൂക്കള്‍ നാം
മണ്ണിതില്‍ മനുഷ്യ സ്നേഹ
ചിത്രവാതില്‍ തുറക്കനാം
ജാതിയല്ല,മതങ്ങളല്ല
നമ്മളെ ഭരിക്കുക
ഇനി മനുഷ്യ സ്നേഹം കൊണ്ട്
മനുഷ്യരെ ഭരിക്കനാം
വേണ്ട മനുഷ്യര്‍ തമ്മിലീ
വേര്‍തിരിവിതെന്തിനു
വേര്‍തിരിഞ്ഞു പോരടിച്ചു
വേലി തീര്‍പ്പതെന്തിനു
സ്നേഹമാണ് ബ്ഭൂവിതില്‍
ശാശ്വതമെന്നോര്‍ക്കുക
പഠിച്ചു നല്ലവരായി നാം
ജയിച്ചു മുന്നേറീടുക
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ