കുറുക്കന്മാര്‍ കൂടുന്ന കാടാണ്
നാലാളെ പ്പോലെ നമുക്ക് മാകണ്ടേ
നാട്ടുകാര്‍ ചേര്‍ന്നൊരു -
യോഗം വിളിച്ചു
റോഡുവെട്ടാന്‍ കൂടിയാലോചിച്ചു
മതിലൊന്നു തട്ടിയാല്‍
മതിയാകും റോഡിനു
മനസ്സിലെ മതില്‍ തട്ടില്ലെന്നു
മൊയ്തീന്‍ കുട്ടിയുടെ ആത്മഗതം
കാടെല്ലാം വെട്ടി വഴി തെളിച്ചിടാം
കരളിലെ കാടു വെട്ടില്ലെന്നു
കുടവയറന്‍ പത്രോസ്സു
നടവരമ്പില്‍ ചരടുകെട്ടി
വേര്‍തിരിച്ചീടാം
ലക്ഷ്മണ രേഖ കടക്കരുതെന്ന്
കുഞ്ഞി ക്കണ്ണേട്ടന്‍
നാട്ടുകാര്‍ ചേര്‍ന്ന് റോഡു വെട്ടി
കാണാമാതിലും,കാടും,ചരടും
പണിതുയര്‍ത്തി
പകലിലും,പാതിരാവിലും
മനുഷ്യരെ എല്ലാം വെട്ടി -
നിരത്തി
കുറുക്കന്മാര്‍ കൊഴുത്തു തടിച്ചു
കാളിയുടെ നാക്ക് പോലെ
റോഡെല്ലാം ചുവന്നു തുടുത്തു
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ