തത്വജ്ഞാനം

വെളുത്തു വിളറിയബള്‍ബിനോട്
സ്വിച്ചു ബോർഡിനരികില്‍
പതുങ്ങി നില്‍ക്കുന്ന പല്ലി പറഞ്ഞു:
തെളിഞ്ഞൊന്ന്കത്തിയാട്ടെ
ഒഴിഞ്ഞ വയറൊന്നു നിറക്കട്ടെ
പാറ്റയെ പിടിക്കുന്നത് പാപമല്ലേ?
'ഒന്ന് ച്ചീഞ്ഞ് ഒന്നിന് വളമാകുന്നു
പാറ്റയുടെമരണ വഴി
എന്റെ പ്രാണ വഴി
കാലം കാട്ടുന്നു ജീവവഴി '
പല്ലിയുടെ തത്വജ്ഞാനം .
തെളിഞ്ഞു കത്തലില്‍
ഷോക്കേറ്റ പല്ലി
നിലത്ത് വീണ്‌ പിടഞ്ഞു-
പിടഞ്ഞു മരിച്ചു
കാലം കൊടുത്ത മരണ -
വഴികണ്ട്
ബള്‍ബുകണ്ണടച്ചു .