ആട്ടുകല്ല്

നോവുകളേറെ അനുഭവിച്ചാണ്
ഞാന്‍ ജനിച്ചത്‌
അതുകൊണ്ടായിരിക്കുമോ ഞാന്‍
നോവിച്ചുകൊണ്ടേ യിരിക്കുന്നത് ?!
അരിമണികൾക്കറിയില്ലല്ലോ
അരഞ്ഞു തീരാനാണ്
അരക്കല്ലിലെത്തുന്നതെന്നു .
അരഞ്ഞു തീരാനൊരു ജന്മം
അറിഞ്ഞുകൊണ്ട് തന്നതെന്തിനു ?
കുത്തി നോവിക്കുന്നുണ്ടവർ യിടയ്ക്കിടെ
മൂര്‍ച്ച പോരെന്നു ചൊല്ലി
മുറിപ്പെടുത്തുന്നുണ്ട്.
മുക്കിയും,മൂളിയുമുള്ള അരപ്പില്‍
മുഷിവു തോന്നിയ വീട്ടമ്മ
മണ്ണ് മൂടിയ മൂലയില്‍
മാറ്റി യിട്ടിരിക്കയാണിപ്പോള്‍