അറ്റാക്ക്

ഇത് അറ്റാക്കുകളുടെ കാലം
എനിക്കെന്തായാലും ഹാർട്ട് -
അറ്റാക്ക് വരില്ല
അത് എന്നേ നിനക്ക് തന്നു
കഴിഞ്ഞു.
ഒളിഞ്ഞിരുന്ന് ശത്രുവിന് നേരെ
യുള്ള പട്ടാളഅറ്റാക്ക്
അത് നിന്റെ ആങ്ങളമാരിൽ നിന്ന്
ഇടയ്ക്കിടേകിട്ടുന്നുണ്ട്.
അവർ ഏർപ്പാടാക്കിയ സദാചാര
വാദികളിൽ നിന്ന്
ലൗജിഹാദെന്ന ഓമനപ്പേരിലെ
അറ്റാക്കും.
വീട്ടിൽ കുടുംബക്കാരുടെ അറ്റാക്ക്
കൂടാതെ കരക്കാരുടെ അറ്റാക്കും
ഇനിയുമൊരറ്റാക്കിന് അവർക്ക്
കഴിയുമെന്ന് തോന്നുന്നില്ല
എന്നിൽ നിന്നും ഇനിയുമെന്താണ്
അവർക്കെടുക്കാനുള്ളത്
നിന്നെ മാത്രം ഉച്ചരിക്കുന്ന നാവ്,
നിന്നെ മാത്രം കേൾക്കുന്ന കാത്
നിന്നെ മാത്രം ചേർത്തുവച്ച കരള്
നിന്നെ മാത്രം കാണുന്ന കണ്ണുകൾ
എല്ലാം അവരുടെ കൈയ്യിൽ
ഇനി നീയും കൂടി അറ്റാക്ക് ചെയ്താ
ൽമതി
അവസാനത്തെ നാടിമിടിപ്പും നിന്ന്
പട്ടടയിലേക്കെടുക്കാൻ.