ഇത് ,പഴയൊരു മാളിക വീട്
കൂട്ടുകുടുംബസ്വത്ത്
കണ്ണും, കരളും കൂടിച്ചേർന്ന്
നീരും, ചോരയും മണ്ണിലൊഴുക്കി
അറിയാതായിര,മായിര,മാളുകൾ
പടുത്തൊരു മാളിക വീട്.
ചിതലുകൾ പണ്ടേ കയറിയെങ്കിലും
കാതലുകവരാൻ കഴിഞ്ഞില്ലിനിയം
വിറ്റുതുലയ്ക്കാനുണ്ടൊരു കൂട്ടർ
കച്ചമുറുക്കി നടന്നീടുന്നു
ക്ഷണിച്ചു വരുത്തുന്നുണ്ടവർ
ക്ഷയിച്ചൊരു മാളിക വീടെന്നോതി
വെള്ളിക്കാശിൽ ഉന്നം വെച്ചവർ.
മച്ചക വാതിലിനുള്ളിൽ നിന്നും
പിച്ചും, പേയും, ചിലനേരം കേൾക്കാം
ഇരുളിൽ പൊട്ടിച്ചിരിയും, പൊട്ടിത്തെറിയും
മാനം പോയൊരു പെണ്ണിൻ തേങ്ങലും
എങ്കിലുമിവിടെ ഉള്ള സുരക്ഷ
കിട്ടീടില്ല വാടക വീട്ടിൽ
വേണ്ടേ വേണ്ട വിൽക്കരുതിതു നാം
വേണ്ടൊരു വെള്ളക്കൊട്ടാരം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ