കവിത ഒളിവിലാണ്
വാക്കുകളുടെ കാട്ടിൽ
ഞാൻ തപ്പി നടക്കുന്നു
ഏത് അധോലോകത്തേ-
ക്കായിരിക്കും
മനസ്സിനെ ഒളിച്ചു കടത്തി -
യിട്ടുണ്ടാവുക
തലയ്ക്കുള്ളിൽ ഒരു മരുഭൂമി
രൂപം കൊള്ളുന്നു
ഹൃദയത്തിലൊരു ടൈംബോംബു -
മിടിക്കുന്നു
ഏറ്റുമുട്ടലിൽ തകർന്നു പോയ
അനാഥബിംബങ്ങൾ
അവിടവിടെ കിടക്കുന്നു
കവിതയുടെ കടുത്ത വഞ്ചനയിൽ
ദേഹം തളരുന്നു
താളം നഷ്ടപ്പെട്ട ഭാഷയുടെ വിജന -
പാതയിൽ ഞാൻ
സ്വപ്നങ്ങളൊക്കെ സ്വർഗത്തിലോ,
നരകത്തിലോ
അസ്വസ്ഥതയുടെ കാട്ടാളൻ
ഏതു നിമിഷവും അമ്പെയ്തു
വീഴ്ത്തുമെന്നറിഞ്ഞിട്ടും
ഞാൻ തപ്പി നടക്കുന്നു
വാക്കുകളുടെ കാട്ടിൽ കവിതയെ.
വാക്കുകളുടെ കാട്ടിൽ
ഞാൻ തപ്പി നടക്കുന്നു
ഏത് അധോലോകത്തേ-
ക്കായിരിക്കും
മനസ്സിനെ ഒളിച്ചു കടത്തി -
യിട്ടുണ്ടാവുക
തലയ്ക്കുള്ളിൽ ഒരു മരുഭൂമി
രൂപം കൊള്ളുന്നു
ഹൃദയത്തിലൊരു ടൈംബോംബു -
മിടിക്കുന്നു
ഏറ്റുമുട്ടലിൽ തകർന്നു പോയ
അനാഥബിംബങ്ങൾ
അവിടവിടെ കിടക്കുന്നു
കവിതയുടെ കടുത്ത വഞ്ചനയിൽ
ദേഹം തളരുന്നു
താളം നഷ്ടപ്പെട്ട ഭാഷയുടെ വിജന -
പാതയിൽ ഞാൻ
സ്വപ്നങ്ങളൊക്കെ സ്വർഗത്തിലോ,
നരകത്തിലോ
അസ്വസ്ഥതയുടെ കാട്ടാളൻ
ഏതു നിമിഷവും അമ്പെയ്തു
വീഴ്ത്തുമെന്നറിഞ്ഞിട്ടും
ഞാൻ തപ്പി നടക്കുന്നു
വാക്കുകളുടെ കാട്ടിൽ കവിതയെ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ