മൗനത്തിലെ ശബ്ദം

നിശ്ശബ്ദമായി പാടുന്ന പാട്ടാണ്
പ്രണയം
രണ്ട് ഹൃദയങ്ങൾ പരസ്പരം
തൊട്ടു കൊണ്ടിരിക്കുന്നു
നാലു കണ്ണുകൾ പരതിക്കൊണ്ടി
രിക്കുന്നു
വറ്റിവരണ്ടതൊണ്ടയ്ക്ക്
ശീതളപാനീയം പോലെ....
അവരെന്നും മനസ്സുകൊണ്ട്
കെട്ടിപ്പിടിക്കുന്നു
ചിരിച്ചുമ്മവെച്ച് മധുകണമായ്
ചിതറുന്നു
സ്വന്തമായൊരു സ്വപ്ന വീടൊരുക്കുന്നു
കുപ്പിവളയണിയുന്നു
അവർ അവരുടെ അഞ്ചൽക്കാരനാകുന്നു
മധുര മഴയിൽ നിന്ന് മൗന വെയിൽ
കായുന്നു
നഗരത്തിൽ, പാർക്കിലെ സിമൻറ് ബെഞ്ചിൽ,
ബസ് സ്റ്റോപ്പിൽ, സിനിമാശാലയിൽ,
ഓഫീസിലെ ഫയൽക്കൂമ്പാരങ്ങളിൽ
അവർ അവരെ പങ്കുവെയ്ക്കുന്നു
മനസ്സേ, നിന്റെ മയാജാലത്തിൽ
മൗനത്തിലെ ശബ്ദമാകുന്നു പ്രണയം.