മറന്നു വെച്ചത്

പരസ്യപ്പെടുത്തുവാനാണ്
പത്ര ഓഫീസിലേക്കാണ്
കട്ടിലിൽ
ചായക്കടയിൽ
ഓഫീസിൽ
മാർക്കറ്റിൽ
ഹൈവേയിലെ
സീബ്രവരയിൽ
നാൽക്കവലയിലെ
ബ്ലോക്കിൽ
ബസ് റ്റോപ്പിൽ
കുണ്ടിടവഴിയിൽ
തിരയാനിനി ഒരു സ്ഥലവുമില്ല
ഇന്നലെ മോന്തി മുതൽ
തുടങ്ങിയതാണ്
രാത്രി ഒരു പോള കണ്ണടച്ചില്ല
ആലോചിച്ചിട്ട് ഒരു പിടിയുമില്ല
ഇനിയും വച്ച്താമസിപ്പിച്ചുകൂട
പോലീസ് സ്‌റ്റേഷനിൽ പോയി
വരുന്ന വഴിയാണ്
എന്നാലും
എവിടെയായിരിക്കും
ഞാനെന്നെ
മറന്നു വെച്ചിട്ടുണ്ടാവുക.