സിൽവിയാ പ്ലാത്ത്

വെയിലിൻ്റെ കൊത്തേറ്റുമരിച്ച -

പകലിനെ

രാവുവന്ന് 

മഞ്ഞിൻ്റെ വെള്ള പുതപ്പിച്ചു

ശിശിരത്തിൻ്റെ സുഷിരവാദ്യം

ശോകഗാനം വായിച്ചു

തുറന്ന പുസ്തകമായിരുന്നു -

പകൽ

കുടിച്ചു തീർത്ത കണ്ണീരിനും -

കയ്പ്പിനും കണക്കില്ല

എന്നിട്ടും,

അവർ

ഉളളു പൊള്ളിക്കുന്നു

സിൽവിയാ പ്ലാത്തെന്ന്

സ്വയം തീക്കൊളുത്തി മരിച്ച -

വളെന്ന് 

....................

കുറിപ്പ് :-

സിൽവിയ പ്ലാത്ത്: അമേരിക്കൻ കവയിത്രി,നോവലിസ്റ്റ്