മരണമെന്നെ തൊടുന്നതിൻ മുൻപേ

മരണമെന്നെ തൊടുന്നതിൻ മുൻപേ

വാതിലെല്ലാം മലർക്കേ തുറക്കണം

ഒരിലതൻ എളിമ എന്തെന്നറിയണം

ഓർമകൾ പൂത്ത പാടത്ത് പോകണം

മരണമെന്നെ തൊടുന്നതിൻ മുൻപേ

മധുരമെന്തെന്നറിയണം

വെയിൽച്ചിരികണ്ടു നിൽക്കണം

കാറ്റിൻ്റെ തേങ്ങലറിയണം

മരണമെന്നെ തൊടുന്നതിൻ മുൻപേ

മൗനമെന്തെന്നറിയണം

മണ്ണിനെ തൊട്ടറിയണം

കല്ലിൻ്റെ ഹൃദയമറിയണം

മരണമെന്നെ തൊടുന്നതിൻ മുൻപേ

മനസ്സിനെയൊന്നറിയണം

മുളപൊട്ടി വിത്തിൽ നിന്നും നിവർന്നുവരും

ജീവിത കവിതയെന്തെന്നറിയണം