മൗനം പത്തിവിടർത്തുന്നു
എവിടെ മുദ്രമോതിരം
ഓർമകളിലേക്ക് ഊളിയിട്ടു
കളഞ്ഞു പോയ്മുദ്രമോതിരം
നാഴികമണി നിലച്ചിരിക്കുന്നു
നേരിയ വിറ ബാധിച്ചിരിക്കുന്നു
മരുഭൂമിയിലെ മരുക്കൊട്ടാരത്തിൽ
കുടുങ്ങിക്കിടക്കുന്നു
എവിടെ മുദ്രമോതിരം ?
നക്രം വക്രബുദ്ധിയിൽ തിരയുന്നു
നടുപ്പുഴയിൽ നിന്നും
ആൽമരത്തിലെ മറന്നു വെച്ച
ഹൃദയമെടുക്കാൻ മടങ്ങുന്നു.
വഴിയിൽ വ്യാഘ്രമുണ്ട്
മരണം മാടി വിളിക്കുന്നുണ്ട്
ഓർമയിൽ മുദ്രമോതിരം
തിരിച്ചു നടന്നു ജീവിതത്തിലേക്ക്
ജീവിതത്തെ വെല്ലുവിളിക്കരുത്
മരണം നിയമം തെറ്റിക്കാറില്ല
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ