ഓണം

ശ്രാവണം മാഞ്ഞു

ഭാദ്ര മണഞ്ഞു

പുന്നെൽ കതിർക്കുല -

മിഴി തുറന്നു

പച്ചപ്പനന്തത്തശ്രുതി മീട്ടി -

പ്പാടുന്നു

മലയാളമേനിനക്കെന്തു ഭംഗി

എൻ്റെ മലയാളമേനിനക്കെന്തു -

ഭംഗി

കുടമുല്ല കൊച്ചരി പല്ലുകൾ കാട്ടി

തുമ്പകൾ താളത്തിൽ തുമ്പിതുള്ളി

ചിത്തിരക്കാറ്റും ചിന്നും മഴയും

പൊന്നോണമേനിനക്കെന്തു ഭംഗി

എൻ്റെ തിരുവോണമേനിനക്കെന്തു ഭംഗി

സങ്കൽപ കാന്തിയിൽ വർണ്ണങ്ങൾ

ചാലിച്ച്

മഴവില്ലിൻ പൂക്കളം തീർത്തു

മേലെ, താരകളൂഞ്ഞാലിലാടി നിന്നു

താഴെയീമേടും പൂവനവും തോറും

തുമ്പികൾ തംബുരു മീട്ടി നിന്നു

മലയാളമേ നിനക്കെന്തു ഭംഗി

പൊന്നോണമേ നിനക്കെന്തു ഭംഗി