ഒറ്റച്ചിറകുള്ള
താഴ്ന്നു പറക്കുന്ന, രണ്ടു -
പക്ഷികളാണ് പ്രണയം
ഹൃദയങ്ങൾ കൊണ്ട്
കെട്ടി പിടിക്കുന്നു
കണ്ണുകൾ കൊണ്ട്
ചുംബിക്കുന്നു
ഒരിക്കലും കണ്ടിട്ടില്ലാത്ത
പുറങ്കടലിലെ
നിശ്ചല നീലിമ കാണാൻ
തിരമാലകളുടെ കപ്പൽച്ചാ-
ലിലൂടെ യാത്ര പോകുന്നു
ചുണ്ടുകളുടെ
വളവൻ വരികളിൽ
കവിത കുറിക്കുന്നു
വികാരത്തിൻ്റെ
വിയർപ്പു മണികൾ
നെറ്റിത്തടത്തിൽ
അളകങ്ങളെ ചേർത്തു പിടിച്ച്
നൃത്തമാടുന്നു
പിന്നെ, എപ്പോഴാണ് നീ
എൻ്റെ കവിളിൽ പറ്റിപ്പിടിച്ച
ചുംബനവും കൊത്തിയെടുത്ത്
ഒരു തൂവൽ പോലും ശേഷിപ്പിക്കാതെ
എന്നിൽ നിന്നും പറന്നു പോയത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ