കറുത്ത രാജ്യം

പട്ടുപോയ് പടുത്തവയൊക്കെയും

പെട്ടു പോയ് ജീവിത പെട്ടകത്തിൽ

പച്ച ഞരമ്പുപിടച്ച വിരലിലെ

പവിത്ര മോതിരം കളഞ്ഞു പോയ്

പൊലിഞ്ഞു പോയ് വെളിച്ചം

തമോഭരത്തിലമർന്നു പോയ്

സാക്ഷികളല്ല സൂര്യചന്ദ്രൻമാർ

ഒഴുകിപ്പോയ പുഴയും

നാരകം പൂത്തു പോയ്

മഞ്ഞയാർന്നു പത്രങ്ങളും

പിച്ചവെച്ച മോഹങ്ങൾ

തുരുമ്പെടുത്തു തരിമ്പുമില്ലാതെ

മഴക്കാറുകൾ ചുറ്റും

മിഴിമുനകൾ എങ്ങും

കാലം ശ്യാമം

കറുത്ത രാജ്യം ഇനി വേണ്ടെനിക്ക്