മിഥുന സന്ധ്യ

സന്ധ്യ സുന്ദരിയായിരുന്നു
അമർത്തിക്കടിച്ച ചുണ്ടു പോലെ
സന്ധ്യ ചുവന്നു
ചക്രവാളത്തിന്റെ ചുമരിൽ അവൾ ചിത്രങ്ങൾ നെയ്തു
തടിയനൊര് മഴക്കാറ്
തടഞ്ഞു നിർത്തിയവളെ
എച്ചിൽ വറ്റുപോലെ പറ്റി നിൽക്കുന്നു
വൃത്തികെട്ട ചിരി
ഭയന്ന സന്ധ്യയുടെ മുഖത്ത്
ചോര കല്ലിച്ച് നിന്നു
അവന്റെ കണ്ണിൽ ആ സക്തിയുടെ
മിന്നൽ പിണരുകൾ
പ്രകാശത്തിന്റെ കവാടങ്ങളോരോന്നായടഞ്ഞു
കാക്കക്കാലുകോറിയ പോലെ
ച (കവാളത്തിൽ ചോരയുടെ പാടുകൾ, പോറലുകൾ
ബലാത്സംഗം ചെയ്യപ്പെട്ട സന്ധ്യ
ഞെട്ടറ്റ മാമ്പൂ പോലെ
കറുത്ത മണ്ണിൽ അടർന്നുവീണു
അവളുടെ മിഴികൾ പെയ്തു തുടങ്ങി
പെയ്യുന്തോറും ഉരുണ്ടു വരുന്നുമിഥുനക്കാറുകൾ