പ്രണയ ശേഷിപ്പുകൾ

സ്വപ്നങ്ങളുടെ വെള്ളാരങ്കല്ലുകൾ
എത്ര രാകി മിനുക്കിയിട്ടുണ്ട്, യീ കുന്നുമ്പുറം
ജീവിതം പൂത്തു തളിർത്തു തുടങ്ങിയ കാലം
എത്ര തവണ കണ്ടിട്ടുണ്ട് ഞാൻ
എന്നിലെ കോടമഞ്ഞിനെയുരുക്കാൻ പാകത്തിൽ
നിന്റെ കണ്ണിലെ മോഹത്തിന്റെ തീജ്വാല
പകുത്തെടുത്ത് കൊണ്ടുപോയിട്ടുണ്ട് നീ
നിറമുള്ള കുറേയോർമ്മകളെ
ഹൃദയത്തിന്റെ ആഴത്തിൽ തൊട്ടിട്ടുണ്ട്
എത്ര സ്വപ്നങ്ങൾക്ക് ചായം പകർന്നു നാം
ഇന്ന് കാലത്തിന്റെ ചിതലുറുമ്പുകൾ
പ്രണയശേഷിപ്പുകളിൽ കടന്ന് ഓർമ്മകൾ കൂടി തിന്നുതീർക്കാൻ തുടങ്ങി