രാത്രിനേരം
നാഴികമണിയുടെ
ടിക് ടിക് ശബ്ദം മാത്രം
അഗാധമായ ഉറക്കത്തിലേക്ക്
ഞാൻ
ആണ്ടുപോയ നേരം
എന്റെ വിരൽ എന്നിൽ നിന്നൂർന്നിറ
ങ്ങുന്നു
ചിന്തകൾ തലങ്ങും വിലങ്ങും നോക്കി
പുറത്തേക്കിറങ്ങുന്നു
കണ്ണുകൾ ഇളകിയടർന്നു
മേശയിലേക്കിഴയുന്നു
കൂർപ്പിച്ച നോട്ടവുമായ് പേന
മേശയിലെഴുന്നേറ്റു നിൽക്കുന്നു
തുറന്നതാളുമായ് ഡയറി വന്നു
ചിന്തയിൽ ചേതനയുണർന്നു
വിരൽ പേനതേടി
പേന താളുകളിൽതാളാത്മ-
കമായെഴുതി
പിന്നെയെപ്പോഴാണ് പുസ്തകം
പുതച്ചുറങ്ങിയതും
പേനചരിഞ്ഞുകിടന്നതും
എന്നിലുള്ളവയൊക്കെ എന്നിലേക്ക്
ചേക്കേറിയതും.
ഇങ്ങനെയൊക്കെയല്ലാതെ എങ്ങനെ
യെഴുതണം ഞാൻ
കപടതയുടെ കാർമുഖങ്ങളെ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ