ദളിതു വഴി
അവർ
വെളുക്കെചിരിക്കുന്നു
വാക്കുകൾ വാരിവിതറുന്നു
വാഗ്ദാനത്തിന്റെ അപ്പത്താൽ
വിശപ്പിനെ തളർത്തി കിടത്തുന്നു.
കണ്ണീരുകൊണ്ടെത്ര കഴുകിയിട്ടും
വെളുക്കാതെ പോയവർ
വെളിമ്പ്രദേശത്തായിട്ടും
വെളിച്ചം കാണാത്തവർ
ദളിതരെന്നപേരിൽ
തെളിയാതെ പോകുന്നവർ
തള്ളിപ്പറയാനും
പേരില്ലാതെ പോയവർ.
വെളുത്ത വോട്ടു ലിസ്റ്റിൽ
കറുത്ത വർണ്ണത്തിലവർ
വേലിക്കു പുറത്തെങ്കിലും
നേരുറ്റതാകുന്നപ്പോൾ
വഴികൾ വെട്ടുന്നു
വേട്ടക്കാരെത്തുന്നു
വോട്ടിൻ നേർരേഖയായ്
ചൂണ്ടുവിരലിൽ അടയാളമാകുന്നു.
ചിരിച്ച മുഖങ്ങളിൽ ഇരുട്ടുദിക്കുന്നു
വാഗ്ദാനത്തിന്റെ അപ്പങ്ങൾ
ഇരുട്ട് നക്കുന്നു
വഴിവിളക്കുകൾ എരിഞ്ഞു തീരുന്നു
മനസ്സിലെമതിൽ വഴിയിലുയർത്തുന്നു.
അവർ
വെളുക്കെചിരിക്കുന്നു
വാക്കുകൾ വാരിവിതറുന്നു
വാഗ്ദാനത്തിന്റെ അപ്പത്താൽ
വിശപ്പിനെ തളർത്തി കിടത്തുന്നു.
കണ്ണീരുകൊണ്ടെത്ര കഴുകിയിട്ടും
വെളുക്കാതെ പോയവർ
വെളിമ്പ്രദേശത്തായിട്ടും
വെളിച്ചം കാണാത്തവർ
ദളിതരെന്നപേരിൽ
തെളിയാതെ പോകുന്നവർ
തള്ളിപ്പറയാനും
പേരില്ലാതെ പോയവർ.
വെളുത്ത വോട്ടു ലിസ്റ്റിൽ
കറുത്ത വർണ്ണത്തിലവർ
വേലിക്കു പുറത്തെങ്കിലും
നേരുറ്റതാകുന്നപ്പോൾ
വഴികൾ വെട്ടുന്നു
വേട്ടക്കാരെത്തുന്നു
വോട്ടിൻ നേർരേഖയായ്
ചൂണ്ടുവിരലിൽ അടയാളമാകുന്നു.
ചിരിച്ച മുഖങ്ങളിൽ ഇരുട്ടുദിക്കുന്നു
വാഗ്ദാനത്തിന്റെ അപ്പങ്ങൾ
ഇരുട്ട് നക്കുന്നു
വഴിവിളക്കുകൾ എരിഞ്ഞു തീരുന്നു
മനസ്സിലെമതിൽ വഴിയിലുയർത്തുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ