എന്റെ ഇഷ്ടമൊന്നും
നിനക്കിഷ്ടമല്ലെന്നും
നിന്റെ ഇഷ്ടമൊന്നും
എനക്കിഷ്ടമല്ലെന്നും
തമ്മിൽ പറഞ്ഞിട്ടില്ല
നാംഇന്നേവരെ.
നീരസത്തിന്റെ കറുത്ത -
തൂവാലയാൽ
മുഖമൊന്ന് തോർത്തി -
യിട്ടുപോലുമില്ല.
നിന്റെ ഓർമ്മയിൽ നിന്ന്
ഞാനും
എന്റെ ഓർമ്മയിൽ നിന്ന്
നീയും
ഇറങ്ങിപ്പോയിട്ടില്ല നാമെന്ന്
നമുക്കറിയാം
ജീവിതത്തിൽ നിന്നും
ഇറങ്ങിപ്പോയിട്ടുണ്ടെങ്കിലും .
പിരിഞ്ഞിട്ടും പിണങ്ങാതെ
കണ്ടുമുട്ടാറുണ്ട് നാലുകണ്ണുകൾ.
ശരിക്കുംനമ്മുടെ ഇഷ്ടങ്ങൾ
എന്തായിരുന്നു
സഫലമാകാത്ത എന്താഗ്രഹ
മായിരിക്കും
നമ്മേപിരിച്ചിട്ടുണ്ടാകുക
ജീവിതമേ,
പിരിഞ്ഞുപോന്ന വഴിയിൽ
നിന്നും
തിരിച്ചുനടന്നാൽ എത്തുമോ
നിന്നിലേക്ക് !
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ