ജയിച്ചിട്ടില്ല ഇന്നേവരെ ഒരു യുദ്ധവും!
എല്ലായുദ്ധവും പരാജയമായിരുന്നു!!
കുരുതിയുടെ കുന്തമുനയാണ് യുദ്ധം.
കെടുതിയുടെ കാന്തക്കൂട്ടും
വറുതിയുടെ വേനൽപടർപ്പും.
ഇന്നേവരെ ഏതെങ്കിലുമൊരുയുദ്ധം
പെണ്ണിനെ കണ്ണീരണിയിക്കാതെ,
കുഞ്ഞുങ്ങളെ അനാഥമാക്കാതെ,
പിതാവിനെ, ഭർത്താവിനെ,
സഹോദരനെ,മകനെ ബലി
കൊടുക്കാതെ,യവസാനിച്ചിട്ടുണ്ടോ?
സംസ്ക്കാരവും,സമ്പത്തും ചീളുകളായ്
തകർന്നടിഞ്ഞിട്ടും
എങ്ങനെയാണ് നിങ്ങൾ വിജയഭേരി
മുഴക്കുന്നത്?!
തലമുറകൾ പിന്നിട്ടിട്ടും യിന്നും നികത്താനാവാത്ത
ചരിത്രം നൽകിയപാഠവും, പാടും
മുന്നിലുണ്ടായിട്ടുംയുദ്ധം
തുടർന്നു കൊണ്ടേയിരിക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ