malayalam blogwriters

http//www.facebook.com/groups/malayalam blog.writers

2017, ജനുവരി 19, വ്യാഴാഴ്‌ച

സൂചകം





നദിയുടെ നഗ്നതയിലേക്ക് കൈവിട
ർത്തുന്നു തരുശാഖികൾ
കുസൃതിയോടെ കുണുങ്ങിപിടഞ്ഞു
മാറുന്നു കുഞ്ഞോളങ്ങൾ
കടുത്തവെയിലിനെ തടുത്തുനിർത്തുന്ന
വൃക്ഷകൈകളിൽനിന്നും
കുതറിമാറി വെയിൽച്ചീളുകൾ താഴെ -
ചിത്രങ്ങൾ വരച്ചുകൊണ്ടിരിക്കുന്നു
ആർത്തിപിടിച്ച നഗരഭ്രാന്ത് നുരഞ്ഞു
പൊന്തി
ഉന്മാദങ്ങളുടെഉറവകളായ മാളങ്ങളിൽ
അശ്ലീലങ്ങളിൽ ആശ്വാസംകൊള്ളുന്നു
ഗ്രാമംഗതികിട്ടാപ്രേതംപോലെ അലഞ്ഞു
തിരിയുന്നു
പഴയപുഴകളും, തോടുകളും, കാടുകളും,
വയലുകളും
ചരിത്രത്തിൽനിന്ന് അടർത്തിമാറ്റപ്പെടുന്നു
ഗാന്ധിജിയുടെഗന്ധംപേറിയ ഗ്രാമങ്ങളിൽ
ഗോഡ്സേയുടെ വെടിയൊച്ചകേൾക്കുന്നു
പറവകളും പൂമ്പാറ്റകളും അപ്രത്യക്ഷമായി
മഞ്ഞവെയിൽനാളങ്ങൾ മരണത്തെ സൂചിപ്പിക്കുന്നു


അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ