ദൂരെ ദൂരെ രണ്ട് പ്രണയികൾ
കാണാൻ കഴിയാതെ
കറുത്തകീബോർഡിലെ
വെളുത്ത അക്ഷരങ്ങളാൽ
വർണ്ണങ്ങളുടെ പ്രണയകവിത
വിരിയിക്കുന്നവർ.
വിരഹത്തിന്റെ അർദ്ധവിരാമവും,
വിധുരതയുടെ കോമയും ,
വികാരങ്ങളുടെ ആശ്ചര്യ ചിഹ്നവും,
വിരലുകളിലൂടെ വാക്കുകളാക്കി
നീണ്ട ഉമ്മകൾക്ക് കൊതിച്ചുകൊതിച്ച്
സ്നേഹസീൽക്കാരങ്ങളിൽ സ്വയം
മറന്ന്
ഇനിയും ഒരുപാടൊരുപാട് പറയാനുണ്ടെ
ന്നമട്ടിൽ
പ്രണയപ്പനിയുടെ ഉന്മാദാവസ്ഥയൽ
ചാറ്റൽ മഴപോലെചിരിച്ചും,
പേമഴപോലെ കരഞ്ഞും
മനസ്സുകൊണ്ട്കെട്ടിപ്പിടിച്ചും
പ്രണയപ്പാച്ചിലിനൊടുവിൽ
തകർന്നു പോയ കപ്പലിന്റെ അവശിഷ്ടം
പോലെ
ഓളങ്ങളിലാടിയായി വാക്കുകൾക്ക്
വിരാമമിടുമ്പോൾ
ഉയർന്നു നിൽക്കുന്ന ചോദ്യചിഹ്നത്തി
നിടയിലും
ആലിപ്പഴംപോലെ പൊഴിയുന്നുണ്ടാകും
പ്രണയം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ