രാത്രിനീയെന്നിൽ പെയ്തുകൊണ്ടേ
യിരിക്കുന്നു
പകൽപളുങ്കുമണിയാ,യുള്ളം തുറക്കുന്നു
എന്റെ ദൃഷ്ടി മുനയിൽ നീ മുല്ലവള്ളിയായ്
പടരുന്നു
പ്രണയം പരന്നൊഴുകുന്ന ഒരു പുഴയാണ് നീ
പ്രകാശത്തിന്റെ ഒരു പ്രാകാരം
എന്നിലെ ഉൺമയും ഉപ്പിന്റെ ഉറവിടവും
ഉല്ലാസത്തിന്റെ ഒരു സ്ഫുലിംഗം നിന്നിൽ.
മദ്ധ്യാഹ്ന ദീപ്തിയിൽ പുഴയുടെ അടിത്ത
ട്ടിലെന്നപോലെ
സ്നേഹത്തിന്റെ ഉള്ളം നിന്നിൽ തെളിഞ്ഞു
കാണുന്നു
പാറയും,പറവയും നീ തന്നെ
എന്റെ ചിന്തകളെ നീ നഗ്നയാക്കുന്നു
കിനാവിന്റെ കടവിൽ വന്ന്
നിന്റെ മിഴികളെന്നെ കുടിക്കുന്നു
നിന്റെ ജലവേരുകൾ എന്റെ നെഞ്ചിലേ
ക്കഴ്ത്തുന്നു
എല്ലാ വസന്തവും ഒന്നിച്ചു വന്നതു പോലെ
നീയൊരു മരമായെന്നിൽ പൂത്തുലയുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ