മാവിന്റെ ശാഖകളിൽ
തളിരിലകൾ
എന്തു രസമാണ് തളിരിലകളെ
കാണാൽ
ഒന്നു തലോടാൻ
പുഞ്ചിരി പോലുള്ള ഇലമർമ്മര
ങ്ങൾ കേൾക്കാൻ
എന്നും വരുംകാറ്റ് കഥ പറയും
കളി പറയും
സന്തോഷം കൊണ്ട് ഇലക്കുഞ്ഞുങ്ങൾ
തുള്ളിച്ചാടും
കാറ്റിനായ് അവരെന്നും കാത്തിരിക്കും
അന്നും വന്നു കാറ്റ് കഥ പറഞ്ഞു
കളി പറഞ്ഞു
കിലുക്കാംപെട്ടി പോലെ പൊട്ടിച്ചിരിച്ചു.
ഞെട്ടറ്റ ഇലക്കുരുന്നുകൾ കീറിപ്പറിക്ക
പ്പെട്ട് താഴെ വീണു
കുരുന്നുകൾക്കറിയില്ലല്ലോ കാറ്റിന്റെ
കാമക്കൈകൾ
പിച്ചിച്ചീന്തുമെന്ന് കശക്കിയെറിയുമെന്ന്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ