പഴയ മാളിക വീടാണ്
പാറാവുകാർയേറെ
പല ഭാഷ
വേഷം
പ്രായം
പ്രീയം.
എലികളായ് നിറഞ്ഞു
വീട്ടകം
പൂച്ചകളേറെ ഉണ്ടായിരുന്നു
മൂഷികനു നേരെ
മുഷിഞ്ഞൊന്ന്
നോക്കിയതല്ലാതെ
പിടിച്ചില്ലിന്നേവരെ
അങ്ങനെയാണ്,
എലിയുടെ മണം പിടിച്ച്
അപ്പപ്പോൾകണ്ടു പിടിക്കുമെന്ന്
ആണയിട്ടുറപ്പിച്ച
ഒരു പൂച്ചയെ കൊണ്ടുവന്നത്
ഇപ്പോൾ, അകത്തളം വിട്ട്എലികൾ
ഉമ്മറത്തും
മുറ്റത്തും
പറമ്പിലും
കറങ്ങി നടപ്പാണ്
പൂച്ച ഉറക്കത്തിലും .
പിടിക്കുന്നുണ്ടിപ്പോൾ
മണം പിടിച്ച്
കണ്ണിന്റെ പച്ചത്തിളക്കവുമായി
ആ പ്രാചീനമാർജാര
പാദപതനത്തോടെ
ഒറ്റ കടിക്കു തന്നെ കൊല്ലുന്നുണ്ട്
പാറാവുകാരെ ഒന്നൊന്നായി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ