തിണർത്ത ദേഹം തടവി
മരച്ചോട്ടിലവൻ നിന്നു
അവൻ;
നിഴലിന്റെ നിറമുള്ളവൻ
നിഴൽപോലെ കൂട്ടുള്ളവൻ.
മരത്തിനു മുകളിൽ
മൗനിയായ് ഒരു മൂങ്ങ
പറന്നെത്തുന്നു പലപാടു
നിന്നും
പല പറവകൾ
ആഞ്ഞാഞ്ഞു കൊത്തുന്നു
മുഞ്ഞിയിൽ, തലയിൽ
മൗനമായ് മൂങ്ങ വേദനയാൽ
പുളയുന്നു.
മുതുകിൽ തടവി അവൻ
മുകമായ്മൊഴിഞ്ഞു:
എന്നെപ്പോലൊരു ജന്മമോ
നിനക്കും.
വെയിൽ പൂത്ത പാടത്ത്
പട്ടം പോലെ പറക്കുന്നു
കൊറ്റികൾ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ