ഉന്നക്കിടക്കയിൽ
ഉണങ്ങിയ കമ്പു പോലെ
ഉപ്പ കിടന്നു
ചോരയുറഞ്ഞ നീലഞരമ്പ്
നെഞ്ചിൽ ചതഞ്ഞു കിടന്നു
തണുത്ത കൈവെള്ള
തടവി ചൂടുപകരുമ്പോൾ
തുറന്ന വായിലേക്ക്
വെള്ളമിറ്റിച്ചു കൊടുക്കുമ്പോൾ
നിഴലിളക്കത്തിൽ
ആരോ ഒളിഞ്ഞു നോക്കുമ്പോലെ.
നെഞ്ഞിൻ കൂടിലെ
മുള്ളിലുടക്കിയതുപോലുള്ള
ശ്വാസത്തിന്റെ കുറുകൽ.
അങ്ങു ദൂരെ പുലരി
മീസാൻ കല്ലുയർത്തിയപ്പോൾ
കുന്തരിക്കം മണക്കുന്ന മുറിയിൽ
നിന്ന്
ഉണർന്നെണീറ്റത്
മൂത്രച്ചൂരുള്ള ഉന്നക്കിടക്ക
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ