സന്ധ്യ ചേക്കേറിയിരിക്കുന്ന
മരത്തിൽ
കാക്കകൾ കൂടുമെടയുന്നു
വാനിലൊരു അമ്പിളിമുട്ടയുമിട്ട്
അവസാനത്തെപറവയും
പറന്നു പോയി.
മരത്തിൽ കാറ്റു വന്നൊരു കഥ
പറയുന്നു
പണ്ട് ,പണ്ട് അച്ഛനും, അമ്മയും,
കുട്ടിയും
മുത്തശ്ശനും, മുത്തശ്ശിയും ഒന്നിച്ചു
താമസിച്ച്
കളിച്ചു ചിരിച്ചു ജീവിച്ച കഥ.
മുത്തശ്ശനും, മുത്തശ്ശിയും എന്തെന്ന
റിയാത്തൊരു കുഞ്ഞു കാക്ക
അമ്മക്കാക്കയെ ഉറ്റുനോക്കുന്നു!
സങ്കടം മറക്കാനായമ്മ
കാക്കക്കുഞ്ഞിനെ സ്നേഹിച്ച
ഒരു കുഞ്ഞിന്റ കഥ പറയുന്നു
കുഞ്ഞിന്റെ കൈയ്യിൽ നിന്ന് അപ്പം
കൊത്തിപ്പറന്നതും
കൗശലക്കാരനായ ചെന്നായ
അപ്പം തട്ടിയെടുത്തതും .
ഇപ്പോൾ,കുഞ്ഞുകാക്ക തിരഞ്ഞു
കൊണ്ടേയിരിക്കുന്നു
ഓരോ വീട്ടിലും മുത്തശ്ശനേയും, മുത്ത-
ശ്ശിയേയും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ