ബാക്കിയാകുന്ന ചോദ്യം

ബാക്കിയാകുന്ന ചോദ്യം


കോട ചെറുതായി
കോടതി കാണായി
സൂര്യന്റെ പൊള്ളുന്ന
കണ്ണുതുറക്കാറായ്
എന്തിനീ കോടതിഗേറ്റി
ലിരിപ്പൂ ഞാൻ!
എന്തു കുറ്റത്തിനായ്
കൊറ്റിയെപ്പോലിന്ന്
പതിവുവിട്ടി,ന്നീതെരു-
വിലിരിപ്പൂ ഞാൻ
ചെറുമനായ് പോയതോ
ചേറിൽപണിവതോ
മോന്തിയെന്നില്ലാതെ
മോന്താതെ, മിണ്ടാതെ
ജീവിതത്തെ വലിച്ചിഴച്ചു
നീക്കുന്നതോ.
ദൈവമക്കളെന്നങ്ങിടയ്
ക്കിടേചൊല്ലുന്നു
സർവ്വംസഹയാകുവാനോ -
യീനാമം
നീതി നിഷേധിച്ച് നിങ്ങൾ
തരുന്നുണ്ട്
ഭീതിതൻമാറാപ്പ് മുതുകിലാ -
യെന്നെന്നും
മുതുകൊന്നു ഞങ്ങൾ ഉയർ
ത്തീടുമെങ്കിലൊ
അറിഞ്ഞിടാം നിങ്ങൾക്ക്
തൽക്ഷണംസാമ്രാജ്യമൊക്കെ -
മറിഞ്ഞിടും
എന്തൊക്കെചിന്തിച്ചു കൂട്ടുന്നു
ഞാനിന്ന്
ചിന്തയെ പാടേ വെടിയണമെ
ന്നല്ലെ!
ചിന്തയ്ക്കുകൂലി വെടിയുണ്ട
യാണെന്ന്
മൂഢരാം ഞങ്ങടെ അലിഖിത
നിയമല്ലേ
എന്തിനീ കോടതി ഗേറ്റിലി
രിപ്പൂഞ്ഞാൻ
എല്ലാം മറക്കുക
മണ്ണിലിരിക്കുക.