കടലെന്തെന്നറിയാതെ
കടലിലേക്കിറങ്ങുമ്പോലെ
ജീവിതമെന്തെന്നറിയാതെ
ജീവിതത്തിലേക്കിറങ്ങുന്നു
തിരകൈകളിൽപ്പെട്ട് -
അമ്മാനമാടുന്നു
ചിലത്ചുഴികളിൽ മറഞ്ഞു
പോകുന്നു
നെടിയപർവ്വത നദീഭയംപോലെ
വിറച്ചിടാറുണ്ട് ജീവിതനദി
തിരിഞ്ഞുനോക്കിയാൽ
തരിച്ചുനിന്നുപോം
തിരിച്ചൊഴുക്കുവാൻ കഴിയില്ല -
ജീവിതം
എത്രയെത്രദൂരങ്ങൾ താണ്ടി,യീ -
വളവുതിരിവുള്ള ജീവിതനദി
വഴികൾപിന്നെയും നീണ്ടുനിൽ-
ക്കുന്നു
നദികൾപിന്നെയും ഒഴുകി -
നീങ്ങുന്നു
കടലിലേക്കാണീയൊഴുക്കെന്ന-
റിയാം
കയത്തിലാണന്ത്യമെന്നുമറിയാം
എങ്കിലും കുതിച്ചു ( കിതച്ചു)
പായുന്നു
കാലംകാട്ടിയ പന്ഥാവിലൂടെ
ഒരിക്കൽപൊടുന്നനേ അഴിമുഖ-
ത്തെത്തുന്നു
ഭയമന്നുപെട്ടെന്നൊഴിഞ്ഞു പോ-
കുന്നു
വിശാലസമുദ്രം ആഞ്ഞുപുൽ-
കുന്നു
ജീവിതനദി മാഞ്ഞുപോകുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ