ധാരണയുടെ ദർപ്പണത്തിൽ
നോക്കരുത്
പറഞ്ഞതിലല്ല പറയാത്തതിൽ
വിശ്വസിക്കുക
ഇനിയും രുചിച്ചിട്ടില്ലാത്ത ഉറവയാണ്
സത്യം
സ്വതന്ത്രമാകാത്ത സ്വാതന്ത്ര്യമാണ്
ജീവിതം എന്നതുപോലെ
കയപ്പിൻ്റെ കടലാണ് ജീവിതം
അതിലേക്ക് ഒഴുക്കുന്നു കണ്ണീർപ്പുഴ
ജീവിതം പെസഹാ ബലിക്കുള്ള ഇര
ഓർമ്മകൾ ഫലത്തിനകത്തെ വിത്തു
പോലെയാണ്
അദൃശ്യമായൊരു പഴത്തോട്ടവും,
പഴക്കമേറുന്തോറും വീര്യമുള്ള വീഞ്ഞും
ഓർക്കുക;
ഇനിയും രുചിച്ചിട്ടില്ലാത്ത ഉറവയാണ്
സത്യം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ